काठमाडौं । प्रधानमन्त्री शेर बहादुर देउवा आज बाढी प्रभावित पूर्वी नेपालको भ्रमणमा निस्किएका छन् । यसअघि उनले सुदूरपश्चिम क्षेत्रमा बाढीले पुर्याएको क्षति अवलोकन गरेका थिए । प्रधानमन्त्रीसहितको टोली बिहान नेपाली सेनाको हेलिकप्टरबाट पूर्वी नेपालको भ्रमणमा लागेको छ । प्रधानमन्त्रीको सचिवालयले जनाए अनुसार देउवाले सुनसरी, मोरङ, इलाम, पाँचथर लगायत जिल्लामा बाढी र पहिरोले पुर्याएको क्षतिको अवस्थाबारे बुझ्ने छन् ।
त्यसपछि इलाम र पाँचथरको सिमानामा पर्ने राँके बजारमा दुवै जिल्लाका प्रमुख जिल्ला अधिकारीहरुसँग संयुक्त रुपमा छलफल गर्ने कार्यक्रम छ । प्रधानमन्त्रीसँगै सञ्चार तथा सूचना प्रविधिमन्त्री ज्ञानेन्द्रबहादुर कार्की, ऊर्जामन्त्री पम्फा भुसाल, स्वास्थ्य राज्यमन्त्री भवानीप्रसाद खापुङसहितका मन्त्रीसमेत हुने छन् । आजै काठमाडौं आउने कार्यक्रम छ ।