काठमाडौं । नवनियुक्त प्रधानमन्त्री शेरबहादुर देउवा आज सरकारी निवास बालुवाटार सर्दैछन् । बिहान १० बजेको साइत हेरेर उनी बालुवाटारस्थित प्रधानमन्त्रीको सरकारी निवासमा सर्न लागेका हुन् । उनी गत मंगलबार प्रधानमन्त्री नियुक्त भई सोही दिन सपथ लिएका थिए । त्यसपछि उनी मध्यरातसम्म कार्यभार सम्हालेर निजी निवास बुढानीलकण्ठ पुगेका थिए ।
प्रधानमन्त्रीले नियमित कामकाज भने सिंहदरवारस्थित कार्यालयबाटै गरिरहेका छन् । यसअघि ओलीले सबै काम बालुवाटारबाट गर्दा आलोचित बनेका थिए । देउवाले भने साउने संक्रान्तिको शुभसाइत पारेर सरकारी निवासमा सर्न लागेका हुन् । निवर्तमान प्रधानमन्त्री केपी शर्मा ओलीले बुधबार बालुवाटार छाडेका थिए ।