काठमाडौं । प्रधानमन्त्री शेरबहादुर देउवा र अमेरिकी विदेशमन्त्री एन्टोनी ब्लिन्केनबीच टेलिफोन वार्ता भएको विदेश मन्त्री ब्लिन्केनले पुष्टी गरेका छन् । उनले ट्विटरमार्फत यस्तो जानकारी गराएका हुन् । विदेशमन्त्री एन्टोनीका अनुसार मंगलबार साँझ भएको कुराकानी युक्रेन संकटका विषयमा केन्द्रित थियो । रुसले युक्रेनमा गरेको आक्रमणको विषयमा कुरा भएको उनले बताएका छन् ।
रूसले युक्रेनमाथि गरेको अप्रत्याशित आक्रमण र युक्रेनको सार्वभौमसत्ता र अखण्डतामा समर्थनको बारेमा छलफल भएको उनले बताएका हुन् । नेपाल र अमेरिकाले आर्थिक विकास र क्षेत्रीय चुनौतीमा मिलेर काम गर्ने समेत उनले उल्लेख गरेका छन् । नेपालमा एसमीसी पास भएपछि भएको यो कुराकानीमा यस विष्यामा कुरा भयो वा भएन भन्ने चाँही खुलेको छैन ।