काठमाडौं । सरकारले वडा दसैँलाई लक्षित गरि सवारी साधनको रुट इजाजत खुला गरेको छ । यस वर्ष दशैंको फुलपातीदेखि पूर्णिमासम्म सार्वजनिक सवारीसाधनले नेपालभर जहाँ पनि यात्रा गर्न सक्ने गरि इजाजत खुला गरेको हो । यातायात व्यवस्था विभागका अनुसार त्यसपछि भने तोकिएको रुटमा मात्र सवारी साधन चलाउन पाइने छ ।
दशैंमा शहरबाट गाउँ जाने र गाउँबाट शहर फर्कनेहरुले टिकट नपाएको अवस्थामा गाडी रिर्जभ गर्न सक्छन् । सोहीकारण रुट इजाजत खुला गर्ने गरिन्छ । यात्रुवाहक सवारी साधनको छतमा यात्रु तथा पशुपन्छी राख्न नपाइने नियम बनाइएको छ । सवारीसाधनले बसको ढोकामा विभिन्न गन्तव्यसम्मको भाडादर स्पष्ट रूपमा टाँस गर्नुपर्ने भएको छ । तोकिएको भन्दा बढी भाडा उठाउन पाइने छैन ।