बगदाद । फिता वरियतामा आफुभन्दा १०३ स्थान माथि रहेको इराकलाई नेपालले दुई गोल फर्काएको छ । ६–२ ले पराजित भएको नेपालले आफ्नो परम्परागत समस्या गोल गर्न नसक्नेलाई भने सुधार गरेको छ । नेपाल र इराकबीच शनिबार राती मैत्रीपूर्ण खेल भएको हो । दुबै टीम विश्वकप छनोटको तयारीमा छन् ।
इराकको बसरास्थित अल फायना स्टेडियममा भएको खेलमा पहिलो हाफमा इराकले ४–२ को अग्रता बनायो । दोस्रो हाफमा भने नेपाली टीम अझ कमजोर देखियो । नेपालका लागि मनिस डाँगीले राष्ट्रिय टिमको डेब्यु खेलमै गोल गरि मन जिते । मनिस र डिफेण्डर गौतम श्रेष्ठलाई डेब्यु गराइएको छ ।
कुवेती प्रशिक्षक अब्दुल्लाह अलमुताइरी नेपालको प्रशिक्षक बनेपछि यो पहिलो खेल हो । उनले नेपालले आगामी दिनमा अझै राम्रो गर्दै जाने बताए । खेलको सातौं मिनेटमै इराकले अग्रता लिएको थियो । नवौं मिनेटमा नेपालले बराबरी गोल फर्कायो ।
नेपालका अन्जन विष्टको प्रहार बचाउँदा इराकका अहमेद इब्राहिम खलाफसँग छोएको बल नेपालको पोष्टा छिरेको थियो । ३९औं मिनेट र पहिलो हाफको इन्जुरी समयमा इराककले गोल गर्यो । ६७ औं र ७५औं मिनेटमा समेत गोल थप्दै इराक ६–२ को विजयी भयो । नेपाल यसै साता कुवेतमा चल्ने विश्वकप छनोटका खेल खेल्न त्यसतर्फ लाग्नेछ ।