काठमाडौं । प्रदेशसभा सदस्यतर्फ बागलुङ र दाङमा भएको निर्वाचनमा नेकपा समर्थक उमेदरवारले जितेका छन् ।
बागलुङ क्षेत्र नम्बर २ (ख)मा प्रदेशससभा सदस्यमा राष्ट्रिय जनमोर्चाका खिमविक्रम शाही विजयी भए । उनलाई नेपाल कम्युनिष्ट पार्टी (नेकपा)ले समर्थन गरेको थियो ।
शाहीले कांग्रेस उम्मेदवार जीतबहादुर शेरचनलाई २ हजार ९७ मतअन्तरले हराए । शाीले ११ हजार २ सय ३५ मत पाउँदा शेरचनले ९ हजार १ सय ३८ मत पाए ।
२०७४ सालमा समेत यो निर्वाचन क्षेत्रमा नेकपाको समर्थनमा जनमोर्चाले जीत निकालेको थियो । उता, दाङ क्षेत्र नम्बर ३ (ख)मा नेपाल कम्युनिष्ट पार्टी (नेकपा)की उम्मेदवार विमला खत्री प्रदेशसभा सदस्यमा निर्वाचित भइन् ।
उनले निकटतम प्रतिस्पर्धी कांग्रेसका केशव आचार्यलाई ५ हजारभन्दा बढी मत अन्तरले हराएकी छन् ।
ओलीले २४ हजार २ सय ८६ मत प्राप्त गरिन् । आचार्यले १९ हजार १ सय ८२ मत पाए । २०७४ सालमा यो क्षेत्र तत्कालीन एमालेले जितेको थियो ।