काठमाडौं । बिहीबार पनि काठमाडौं महानगरपालिकाका मेयर बालेन साह अनधिकृत रुपमा बनाइएका संरचना हटाउने अभियानमा संलग्न रहे । शुरुमा बानेश्वर क्षेत्रमा अनधिकृत संरचना हटाउन निर्देशन दिएका उनको अल्फाबिटामा भने घरधनीसँग चर्काचर्की परेको थियो । त्यसपछि उनले नक्सा र डोजर नै ल्याएर संरचना भत्काइएको छ ।
बालेनले नक्सा पास नभई बनाइएका यस्ता संरचना हटाउन भनेका छन् । खासगरी काठमाडौंमा पार्किङको प्रयोजनका लागि संरचना सहितको नक्सा पास गर्ने र त्यसलाई व्यापारिक प्रयोजनमा प्रयोग गर्ने प्रचलन रहेको छ । सो प्रवृत्ति विरुद्ध महानगरले कारवाही थालेको हो ।