कपिलवस्तु । बिहीबार कपिलवस्तुमा समेत १२ थप कोरोना संक्रमित भेटिएका छन् । स्वास्थ्य कार्यालय कपिलवस्तुले यसको पुष्टी गरेको छ । अब कपिलवस्तुमा संक्रमित हुनेको संख्या ४ सय १४ पुगेको छ। बिहीबार वाणगंगा नगरपालिका वडा नम्बर १ का एक जना पुरुष, वडा नम्बर २ का एक बालिका, एक महिला र एक पुरुष, वडा नम्बर ४ का एक पुरुष र वडा नम्बर ७ का एक पुरुषमा कोरोना देखिएको छ ।
यशोधरा गाउँपालिका वडा नम्बर ७ का ६ जना पुरुषमा समेत कोरोना पुष्टी भएको स्वास्थ्य कार्यालय कपिलवस्तुले उल्लेख गरेको छ । भारतबाट आएका नागरिकलाई नेपाल भित्र प्रवेशको अनुमतिसँगै नेपालमा कोरोनाका बिरामीको संख्यामा गुणात्मक वृद्धि भइरहेको छ ।