बुटवल । रुपन्देहीको बुटवल उपमहानगरपालिका–१२ मिलन चोकमा तीन जना सवार मोटरसाइकल दुर्घटनामा दुई जनाको मृत्यु भएको छ । एक जना घाइते भएका छन् । प्रहरीका अनुसार मंगलबार बिहान मोटरसाइकल दुर्घटनामा परेको हो । सो क्रममा चालक घाइते छन् भने पछाडी बसेका दुई जनाको मृत्यु भएको हो । घाइतेको अवस्था समेत गम्भीर छ । लु ६० प ३६५२ नम्बरको मोटरसाइकल बिहान चार बजे अनियन्त्रित भएर पल्टिएको प्रहरीले जनाएको छ ।
मोटरसाइकलमा पछाडि सवार गैडहवा गाउँपालिका ९ हात्तीबजारका २० वर्षीय प्रेम रुचाल र सोही ठाउँका २० वर्षीय राहुल थापाको मृत्यु भएको हो । दुबै जनाको उपचारका क्रममा बुटवलक्ँे लुम्बिनी प्रादेशिक अस्पतालमा मृत्यु भएको इलाका प्रहरी कार्यालय बुटवलले जाँनकारी गराएको छ । दुर्घटनामा गम्भीर घाइते भएका मोटरसाइकल चालक रुपन्देहीकै २१ वर्षीय विमल रानाको उपचार जारी छ ।