बुद्ध एयरले कोलकातामा थप्यो उडान

१५ कात्तिक, काठमाडौं । निजी वायुसेवा कम्पनी बुद्ध एयरले भारत कोलकातामा उडान थपेको छ । बुद्धले यसअघि साताका तीन दिन उडान गरिरहेकोमा अब चार उडान गर्ने भएको हो । नयाँ उडान तालिका अनुसार अब आइतबार, मंगलबार, बिहीबार र शनिबार उडान हुनेछ । नयाँ उडान तालिका १५ नोभेम्बरबाट कार्यान्वयनमा ल्याउन लागिएको बुद्धले जनाएको छ । कोलकाता नेपालको मूख्य व्यापारिक सम्बन्ध भएको शहर हो । यहाँको सामुन्द्रिक बन्दरगाह हुँदै नेपालमा धेरै सामान आउने गर्छ ।