काठमाडौं । सत्तारुढ नेपाल कम्युनिस्ट पार्टी (नेकपा)को सचिवालय बैठक बुधबार बस्ने भएको छ ।
प्रधानमन्त्री केपी शर्मा ओली र अध्यक्ष प्रचण्डबीच मंगलबार भएको भेटले सचिवालयको समय तय गरेको हो ।
यसअघि सोमबार भएका भेटहरुमा सचिवालय बैठक मंगलबार बस्ने भनिएको थियो । तर, मंगलबार विभिन्न चरणका भेटपछि बुधबार सचिवालय बैठक बोलाइएको हो । बैठक बुधबार साँझ ५ बजे बस्ने भएको छ ।
पार्टीमा सोमबार देखिएको रस्साकसी मंगलबार दुई अध्यक्षको भेटपछि भने केही मथ्थर भएको छ ।
सबै विषय सचिवालय र स्थायी कमिटिको बैठकमा टुंग्याउने भन्दै शीर्ष नेताहरुले अनौपचारिक छलफलको औचित्य नहुने बताउँदै आएका छन् ।
प्रधानमन्त्री समुह भने माधव नेपाल समूहलाई फकाउने अभियानमा रहेको छ ।