बैतडी । बैतडीमा जिप दुर्घटनामा परी १ जनाको मृत्यु भएको छ। अन्य तीन जना घाइते रहेको प्रहरीले जनाएको छ । धनगढीबाट छुटेको से १ ज ८४३ नम्बरको बलेरो जिप सुर्नया गाउँपालीका–७ आलुगैरामा दुर्घटनाग्रस्त भएको हो । घटनामा जीप चालक बझाङ, बुङ्गल नगरपालिका –११ बस्ने २६ वर्षीय धनबहादुर बोहराको मृत्यु भएको हो।
बिहीबार बिहान भएको दुर्घटनामा बैतडीको पुर्चौडी नगरपालिका ४ का ३५ वर्षीय जनकराज भट्ट, ४० वर्षीय गंगादत्त भट्ट र बझाङको चिरबित्थडका २७ वर्षीय हरिश बोहरा घाइते भएको प्रहरीले जनाएको छ । उनीहरुमध्ये पनि दुई जनाको अवस्था गम्भीर रहेको बताइएको छ ।