काठमाडौं । ब्राजिलका राष्ट्रपति जायर बोलसोनारोले कोरोना जित्न सफल भएका छन् । ट्वीट गर्दै राष्ट्रपति बोलसोनारोले आफु कोरोना संक्रमणमुक्त भएको जानकारी दिएका हुन् । उनको पछिल्लो परीक्षण रिपोर्ट नेगेटिभ आएको हो । यसअघि उनको लगातार दुई पटकको परीक्षणमा भने कोरोना पोजेटिभ देखिएको थियो ।
बोलसोनारो कोरोना भाइरसलाई गम्भीर रुपमा नलिने राष्ट्रप्रमुखमध्ये एक हुन् । उनले यस भाइरसलाई सामान्य फ्लू मान्छन् । तर, संसारमा धेरै ानिसको ज्यान गुमाउने र संक्रमित हुने देशमध्ये ब्राजिल अगाडी नै रहेको छ । विश्वमा अमेरिकापछि ब्राजिलमा सबैभन्दा धेरै कोरोना संक्रमित रहेका छन् । ब्राजिलमा अहिलेसम्म २३ लाखभन्दा बढी संक्रमित रहेका छन् । उनीहरुमध्ये ८६ हजार भन्दा धेरैको मृत्यु भइसकेको तथ्यांक रहेको छ ।