ब्राजिल । ब्राजिलमा कैदी-कैदी बीच भएको झडपमा ५२ कैदी-बन्दीको मृत्यु भएको छ । सोमबार अत्यन्तै हिंस्रक झडप भएको संचारमाध्यमहरुले उल्लेख गरेका छन् ।
ब्राजिलको अल्टामिरा जेलमा ५ घण्टा भन्दा बढी समय चलेको नरसंहारमा उक्त हताहती भएको हो । ब्राजिलमा कैदी बन्दीबीच नियमित जस्तो झडप हुन्छ । अधिकारीहरु यसलाई सामान्य मान्छन् ।
कैदीले जेलका सरकारी अधिकारीलाई समेत बन्धक बनाएका थिए । झडपपछि जेलमा आगा लागेको र त्यसबाट निसास्सीएर धेरैले ज्यान गुमाएको प्रत्यक्षदर्शीले बताएका छन् ।
क्षमताभन्दा बढी कैदी राखिएको जेलमा झडप भएको हो । ब्राजिल संसारमा धेरै केदी भएको मुलुकमध्ये एक हो । जहाँ ७ लाख भन्दा बढी मानिसले कैद जीवन बिताइरहेका छन् ।
जेलका पूर्वाधार साँघुरा भएका कारण यहाँ धेरै समस्या आउने गर्छन् ।
ब्राजिलमा गत मे मा भएको यस्तै प्रकारको झडपमा ४० जनाले ज्यान गुमाएका थिए । सन् २०१७ मा मात्र जेल भित्रको भिडन्तमा १ सय ४० जनाको निधन भएको थियो ।
एजेन्सी