काठमाडौं । ब्राजिलमा एक निजी जेट दुर्घटनामा ४ जना व्यवसायिक फुटबल खेलाडीको ज्यान गएको छ । अन्तराष्ट्रिय संचारमाध्यमहरुका अनुसार दुर्घटना आइतबार भएको हो । दुर्घटनामा स्थानीय पाल्मास क्लबका अध्यक्ष र चार खेलाडीको मृत्यु भएको छ ।
उत्तरी ब्राजिलको टोकान्टिन्स राज्यको विमानस्थलबाट टेक अफ हुने क्रममा उनीहरू चढेको जहाज धावनमार्ग छाडेर चिप्लिएको थियो । मैदानमा पुगेको रन वेको अन्तिमबाट चिप्लिएर मैदानमा पुगेको थियो। दुर्घटनामा पाइलटको समेत ज्यान गएको छ । यो जहाज गोइआनिया जान लागेको थियो ।
त्यहाँ उनीहरूको टिमले भिला नोभासँग खेल्ने कार्यक्रम रहेको बताइएको छ । मृत्यु हुनेमा क्लबका अध्यक्ष लुकास मेइरा र खेलाडीहरू लुकास प्राक्सेडेस, ग्युल्हेर्मे नोय, रानुल र मार्कस मोलीनार छन् । पाइलटको पहिचान भएको छैन् । सन् १९९७ मा स्थापना भएको पाल्मास ब्राजिलको चौंथौ डिभिजनको क्लव हो ।