भक्तपुरमा बिस्केट जात्राको रथमा च्यापिएर एक जनाको मृत्यु

काठमाडौं । भक्तपुरमा बिस्केट जात्राको रथको पाङ्ग्रामा च्यापिएर भएको घटनामा एक जनाको मृत्यु भएको छ । बिस्केट जात्राको अन्तिम दिन सोमबार पौने पाँच बजे गहिटीबाट बंशगोपाल तर्फ लैजाँदै गरेको रथ नासमाना चोकमा पुग्दा सूर्यविनायक नगरपालिका ५ का ७१ वर्षका दुर्गामान कस्पाललाई पाङ्ग्राले च्यापेको हो । महानगरीय प्रहरी परिसर भक्तपुरका अनुसार उनको उपचारका क्रममा ज्यान गएको हो । पाग्राले चेपेर गम्भीर घाइते भएका उनको भक्तपुर अस्पतालमा उपचारका क्रममा साढे ६ बजे मृत्यु भएको प्रहरीले जनाएको छ ।