यूएई । काबुलमा तालिबानले कब्जा जमाएपछि देश छाडेर भागेका अफगानिस्तानका पूर्वराष्ट्रपति अशरफ गनीलाई संयुक्त अरब इमिरेट्सले शरण दिएको छ । यूएईको विदेश मन्त्रालयले एक बयान जारी गरि यसबारे जानकारी गराएको हो । मानवीयताका आधारमा गनी र उनको परिवारलाई शरण दिइएको मन्त्रालयको भनाई छ । आइतबार तालिबानले काबुल कब्जा गरेपछि उनी मिछेमी मुलुकतर्फ भागेका थिए । उनी भागेसँगै पश्चिमा देशमा भने गनीका आलोचना भएको छ ।
तालिबानसँग घुँडा टेकेको भन्दै उनको आलोचना भएको हो । तर, आफुले मुलुकमा थप रक्तपात नचाहेको भन्दै देश छाडेको गनीले बताएका छन् । उनी यसअघि ताजिकिस्तान उडेको खबर थियो । त्यस क्रममा उनले १७ करोड डलर रकम लिएर उडेको खबर समेत सार्वजनिक भएको थियो । तर, उनले यो आरोपको भने खण्डन गरेका छन् ।