काठमाडौं । सोमबार भारत–पाकिस्तान सीमा क्षेत्रमा भएको तनावमा भारतीय सेनामा कार्यरत एक गोर्खा सैनिकको ज्यान गएको छ । भारतीय सेनामा कार्यरत नेपालीको ज्यान गएको भारतीय संचारमाध्यमले सैनिक स्रोतलाई उदृत गर्दै पुष्टी गरेका छन् । भारतीय सञ्चारमाध्यमहरुका अनुसार जम्मु कश्मीरको रजौरी जिल्लामा रहेको लाइन अफ कन्ट्रोलमा भएको घटनामा उनको ज्यान गएको हो ।
पाकिस्तानले लाइन अफ कन्ट्रोलमा युद्धविरामको उल्लंघन गर्दै गोलीबारी गरेको भारतीउ दावि छ । भारतीय सेनामा कार्यरत नेपाली दीपक कार्कीको मृत्यु भएको छ । उनी गुल्मीका स्थायी बासिन्दा हुन् । घटनामा परी गम्भीर घाइते भएको उनको उपचारको क्रममा उनको मृत्यु भएको बताइएको छ ।
घटना सोमबार बिहान भएको थियो । भारत र पाकिस्तानको बीचमा तनाव जारी रहेको छ । यस भेगमा ठूलो संख्यामा गोर्खा सैनिक तैनाथ गरिएको छ । जुन महिनामा मात्र भारत–पाकिस्तान सीमा क्षेत्रमा ४ जना सैनिकको ज्यान गइसकेको छ । बढी संवेदनसिल क्षेत्रमा भारतले गोर्खा सैनिक खटाउने गरेको छ ।