काठमाडौं । काठमाडौंको भृकुटीमण्डपमा राष्ट्रिय अपाङ कोष र समाज कल्याण परिषद्ले सामान भण्डारण गरेको गोदाममा आगलागी हुँदा ५ करोड रुपैयाँभन्दा बढीको क्षति भएको प्रारम्भिक अनुमान गरिएको छ । बुधबार साँझ र बिहीबार बिहान गरी दुई पटक आगलागी भएको थियो । बुधबार लागेको आगोलाई निभाए पनि त्यहाँ रहेको आगोका अवशेषबाट बिहीबार पुनः आगो सल्किएपछि निभाइएको थियो ।
विदेशी दाताले प्रदान गरेका ह्वील चेयर, वैशाखी, मेडिकल सामान कति थिए, कति वितरण भएका र कति जलेर नस्ट भए भनेर छानबिन भइरहेको बताइएको छ । फिल्म हललाई दुई भागमा बारेर एक खण्ड कोषले र अर्को भाग समाज कल्याण परिषद्ले सामग्री राखेका थिए ।