मंसिरभित्रै महाधिवेशन सक्न सभापति देउवाको निर्देशन

काठमाडौं । प्रधानमन्त्री एवम् नेपाली काँग्रेस सभापति शेरबहादुर देउवाले जारी चौधौं महाधिवेशन पूर्वनिर्धारित कार्यतालिका अनुरुप मङ्सिर महिना भित्रै सक्न पार्टी पंक्तिलाई निर्देशन दिएका छन् । मंगलबार सिंहदरबारस्थित काँग्रेसको संसदीय कार्यालयमा पार्टीको पदाधिकारी र केन्द्रीय निर्वाचन समितिबीच भएको बैठकमा सभापति देउवाले मंसिरमै महाधिवेशन सम्पन्न गर्नेगरी कार्यक्रमहरु अगाडि बढाउन निर्देशन दिए । महाधिवेशनको मिति पछाडि सर्नेभन्दा पनि मंसिर ९ देखि १३ गतेसम्म चौधौं महाधिवेशन सम्पन्न गरिसक्नुपर्नेमा सभापतिले जोड दिएको नेताहरुले जनाएका छन् । सभापति देउवामाथि महाधिवेशन सार्न खोजेको आरोप लाग्दै आएको समयमा उनले यस्तो निर्देशन दिएका हुन् ।