काठमाडौं । मनास्लु हिमालमा गएको हिउँ पहिरोमा परेर एक जनाको मृत्यु भएको पुष्टी भएको छ । सोमबार दिउँसो हिउँ पहिरोमा परेर क्याम्प ३ बाट क्याम्प ४ तर्फ अक्सिजनलगायत सामग्री लिएर जाँदै गरेका अनुप राईको मृत्यु भएको प्रहरीलाई उदृत गर्दै सञ्चारमाध्यमले जनाएका छन् ।
मनास्लु हिमाल नजिकैको बस्ती सामागाउँमा हेलिकप्टरहरु पुगे पनि दिनभर मौसम प्रतिकुल भएपछि समस्या भएको पर्यटन विभागकी अधिकृत यशोदा अर्याललाई उदृत गर्दै सञ्चारमाध्यमले लेखेका छन् । पहिरोमा परी १२ जना घाइते भएका थिए। तीमध्ये ९ जनाको उद्धार हुनै बाँकी छ । घाइतेमध्ये चार जनाको अवस्था गम्भीर रहेको बताइएको छ ।