मन्त्रिपरिषद्का सदस्यले एक महिनाको पारिश्रमिक भूकम्प पिडितलाई दिने

काठमाडौं । प्रधानमन्त्री र मन्त्रीहरुले जाजरकोट भूकम्पका पीडितका लागि एक महिनाको तलब सहयोग गर्ने भएका छन् । बिहीबार बसेको मन्त्रिपरिषद बैठकले प्रधानमन्त्री र मन्त्रिपरिषदका सदस्यहरुको एक महिनाको पारिश्रमिक भूकम्प पीडित राहत कोषमा दिने निर्णयको सञ्चार तथा सूचना प्रविधिमन्त्री रेखा शर्माले जानकारी दिइन् । अघिल्लो शुक्रबार गएको भूकम्पबाट जाजरकोट र रुकुममा ठूलो जनधनको क्षति भएको छ ।