महन्थ ठाकुर, राजेन्द्र महतोसहित चार नेतालाई जसपाले सोध्यो स्पष्टीकरण

काठमाडौं । जनता समाजवादी पार्टीले प्रधानमन्त्री केपी शर्मा ओलीको असंवैधानिक कदममा साथ दिएको भन्दै अध्यक्ष महन्थ ठाकुरसहित चार नेतालाई स्पष्टीकरण सोधेको छ । ठाकुरसहित वरिष्ठ नेता राजेन्द्र महतो, सर्वेन्द्रनाथ शुक्ल र लक्ष्मणलाल कर्णलाई पार्टी निर्णयविरुद्ध गतिविधि गरेको भन्दै स्पष्टीकरण सोधेको हो । जसपा कार्यकारिणी समितिको बहुमत सदस्यहरूको बैठकले यस्तो निर्णय लिएको हो । यो बैठकको अध्यक्षता उपेन्द्र यादवले गरेका थिए ।

बैठकमा बहुमत सदस्य उपस्थित भएको बताइएको छ । ठाकुर–महतो समूहले शुक्रबार प्रधानमन्त्री केपी शर्मा ओलीको पक्षमा उभिने निर्णय गरेक थिए । सोही अनुसार पार्टीका सबै सदस्यको हस्ताक्षर समेत प्रधानमन्त्रीलाई दिएका थिए । यो पार्टीको निर्णय विपरित भएको जसपाको भनाई छ । शनिबारको बैठकमा भौतिक रूपमा २८ र भाइबरसमेतबाट गरि कुल ३२ जना सहभागी भए । बैठकले संसदीय दलको नेताका रूपमा राजेन्द्र महतोलाई गरिएको घोषणा अस्वीकृत गर्ने निर्णय समेत गरेको छ ।