काठमाडौं । नेपाली कांग्रेस सभापति शेरबहादुर देउवाले हालै तोकिएको १४ औं महाधिवेशनको मिति परिवर्तन नहुने स्पष्ट पारेका छन् ।
संस्थापन पक्षबाहेक समूहले काठमाडौं बोलाएका ५२ जिल्लाका सभापतिहरुले बिहीबार केन्द्रिय सभापति देउवासँग भेट गरेका थिए ।
असन्तुष्ट समूहले परामर्श बैठकका लागि उनीहरुलाई काठमाडौं डाकेको थियो । देउवाले आफ्नो निवास बूढानीलकण्ठमा भेटेका हुन् ।
देउवाले पार्टी सहमतिका आधारमा चल्ने भन्दै उनले त्यसका लागि आफू तयार रहेको उल्लेख गरे ।
वरिष्ठ नेता रामचन्द्र पौडेल समूहसँग लगातार संवाद गर्दा समेत सहमति हुन नसकेको भन्दै उनले पार्टीलाई अनिर्णयको बन्दी बनाउन उचित नठानेको उनले उल्लेख गरे ।
पार्टी सम्वाद र सहमतिकै आधारमा अगाडी बढ्ने उनले जिल्ला सभापतिहरुसँगको भेलामा बताएका थिए ।
देउवाले महाधिवेशनको मिति २०७७ फागुन ७ बाट भने परिर्वतन हुन कुनै सम्भावना नरहेको उल्लेख गरे ।
महाधिवेशनको मिति कायम राख्दै अन्य कार्यतालिकामा भने हेरफेर गर्न सकिने उनको भनाई छ ।