काठमाडौं । चलचित्र ‘महापुरुष’ समावेश ‘बेमौसमी’ बोलको गीत रिलिज भएको छ । तिहारको भाइटीकाको भोलिपल्ट अर्थात कात्तिक ११ गतेदेखि देशव्यापी प्रदर्शनमा आउन लागेको चलचित्रको गीत राजधानीमा एक कार्यक्रमबीच सार्वजनिक गरिएको हो । गीतमा राम अविरल विष्टको शब्द, एसडी योगीको संगीत, एसडी योगी र रेश्मा पुनको स्वर रहेको छ ।
गीतको भिडियोमा दुई पुस्ताका चार कलाकारहरुलाई प्रस्तुत गरिएको छ । हरिवंश आचार्य र गौरी मल्ल तथा अरुण क्षेत्री र अञ्जना बराइलीको जोडीलाई भिडियोमा प्रस्तुत गरिएको छ । प्रदीप भट्टराई निर्देशित चलचित्रलाई दीपेश खत्रीले निर्माण र रविन्द्रसिंह बानियाँले सह(निर्माण गरेका हुन् । निर्देशक भट्टराईको यो चौँथो चलचित्र हो ।