काठमाडौं । प्रधानमन्त्री शेरबहादुर देउवाले बेलायतकी महारानी एलिजाबेथ द्वितीयाको निधनमा गहिरो दुःख व्यक्त गरेका छन् । प्रधानमन्त्री देउवाले उनको निधनको खबरबाट आफूलाई निक्कै दुःखित बनाएको समेत उल्लेख गरेका छन् । उनको निधनले नेपाल र नेपाली नागरिकले एक महान् प्रशंसक गुमाएको प्रधानमन्त्रीको शोक सन्देशमाउल्लेख छ ।
उनले बेलायतको राजपरिवारप्रति गहिरो समवेदना व्यक्त गरेका छन् । ट्वीटरमार्फत प्रधानमन्त्री देउवाले दिनुभएको शोक सन्देशमा महारानी एलिजाबेथमा अन्य संस्कृति र मानवताप्रतिको दया, सादगी र सम्मानजस्ता गुणहरू रहेका र जसका कारण नेपाली नागरिकले निक्कै मायापूर्वक सम्झन्छन् भनेका छन् । महारानी एलिजाबेथको गएराति ९६ वर्षको उमेरमा निधन भएको थियो ।