अमृता के सी ( रोनी )
काठमाडौँ/गोकर्णेश्वर नगरपालिका स्थित गोकर्णेश्वर महादेव मन्दिर परिसरमा महाशिवरात्री पर्व २०७७ को अवसरमा विशेष बागमती गङ्गा आरति सम्पन्न भएको छ।गोकर्णेश्वर बागमती गङ्गा आरति उपसमितिले हरेक महिनाको अन्तिम सोमबार गर्दै आएको बागमती गङ्गा आरति शिवरात्रिको अवसरमा भगवान शिवको पूजा आराधनाबाट सुख शान्ति र परलोकमा सद्गति प्राप्त हुने भएकोले विशेष बागमती गङ्गा आरतिको आयोजना गरेको बताएको छ।
अपरान्ह ४ बजे देखि भजन किर्तन सहित आयोजना गरिएको विशेष आरतीमा तीन सय भन्दा बढी श्रद्धालु भक्तजनको उपस्थिति रहेको थियो।
शिवरात्रिका लागि मन्दिर परिसरमा सरसफाइ,स्वयं सेवक परिचालन,मन्दिरमा दर्शन र पूजा गर्न आउने भक्तजनलाई सहज वातावरणको व्यवस्था लगायतको कार्य मन्दिर व्यवस्थापन समितिले गरेको थियोे।शिव रात्रिमा विशेष पूजाअर्चना साथै सन्ध्याकालीन आरती र भजन किर्तन सहित कार्यक्रममा सहभागीहरुलाई प्रसाद वितरण मन्दिर व्यवस्थापन समितिले गरेको थियो।
