काठमाडौं । अन्तर्राष्ट्रिय मैत्रिपूर्ण महिला फुटबल खेलमा नेपालले बंगलादेशलाई हराएको छ । ्बिहीबार भएको खेलमा नेपालले बंगलादेशलाई २१ गोल अन्तरले हरायो । दुई खेलाडीले आज राष्ट्रिय टिममा डेब्यु गरेका थिए । दुबै खेलाडीले मुलुकका लागि गोल गरे । त्रिपुरेश्वरस्थित दशरथ रंगशालामा भएको खेलमा महिला सिनियर टिमका लागि सबिता राना मगर र प्रिती राईले डेब्यु खेलमै गोल गर्नए सफल भए । आज नेपालले सात नयाँ खेलाडीलाई टीममा राखेको थियो । त्यसमध्ये ४ खेलाडीले डेब्यु गरे ।
घरेलु मैदान र दर्शकको अगाडि नेपालले २३ मिनेटभित्र नै दुई गोल गर्यो । टिमका मुख्य स्ट्राइकर सावित्रा भण्डारी चोटका कारण मैदान बाहिर छिन् । उनको स्थानमा नेपालले सबिता रानालाई अग्रपंति उतार्यो । खेलको १४ औं मिनेटमा डेब्यु खेलाडी सबिता रानाले विमला चौधरीको पासमा गोल गरिन् । २३ औं मिनेटमा अर्की डेब्यु खेलाडी प्रिती राईले सरु लिम्बुको पासमा गोल गरिन् । बंगलादेशका लागि तोहुरा खातुनले ८३ औं मिनेटमा सान्त्वना गोल गरिन् । नेपाल र बंगलादेश आइतबार मैत्रीपूर्ण खेल खेल्ने छन् ।