काठमाडौं । माओवादीका नेता तथा गत निर्वाचनमा हुम्लाबाट जितेका सांसद छक्कबहादुर लामा एमाले प्रवेश गरेका छन् । उनी माओवादीको केन्द्रीय सदस्य समेत थिए । लामालाई एमाले अध्यक्ष केपी शर्मा ओलीले आफ्नै निवासमा पार्टी प्रवेश गराए ।
हुम्लाबाट लामाले गत निर्वाचनमा स्वतन्त्र उम्मेदवार भई विजयी भएका थिए । तत्कालीन समयमा माओवादी केन्द्रले टिकट नदिएपछि छक्कबहादुरले स्वतन्त्र उम्मेदवारी दिएका थिए । उनी माओवादीका उम्मेदवार छिमी दोर्जेविरुद्ध बागी उठेका थिए । छिमी यसअघि नै एमाले प्रवेश गरिसकेका छन् ।