काठमाडौं । नेकपा माओवादी केन्द्रले सांसद पदबाट मुक्त गर्ने गरी कारवाही गरेका चार जना नेता आजै मन्त्री पदमा पुननियुक्त भई सपथ समेत लिएका छन् । नेताहरु टोपबहादुर रायमाझी, प्रभु साह, लेखराज भट्ट र गौरीशंकर चौधरीलाई माओवादीले कारवाही गरेसँगै उनीहरुको सांसद पद गुमेको थियो ।
सांसद नरहेपछि उनीहरु स्वतः मन्त्रीबाट समेत पदमुक्त बनेका थिए । अब संवैधानिक प्रावधान अनुसार उनीहरु ६ महिना मन्त्री बन्न सक्नेछन् । त्यतिन्जेल सांसद बन्न नसकेमा भने पुनः पद जानेछ । शुक्रबार राष्ट्रपति विद्यादेवी भण्डारीले शितलनिवासमा मन्त्रीहरूलाई पद तथा गोपनीयताको सथप खुवाएकी छिन् ।
त्यसअगाडी प्रधानमन्त्रीले उनलाई मन्त्री पदमा नियुक्तीको सिफारिस गरेसँगै राष्ट्रपतिबाट मन्त्री पदमा नियुक्त गरिएको थियो । उनीहरूले पहिलेकै मन्त्रालयमा नियुक्त लिएका छन् । रायमाझी ऊर्जा, जलस्रोत तथा सिँचाइ, भट्ट उद्योग, वाणिज्य तथा आपूर्ति, साह सहरी विकास र चौधरी श्रम, रोजगार तथा सामाजिक सुरक्षा मन्त्री हुन् ।