माओवादी केन्द्रले सरकारमा जाने मन्त्री तय गर्दै

काठमाडौं । सरकारमा जाने मन्त्रीको नाम तय गर्न आज नेकपा (माओवादी केन्द्र)को स्थायी कमिटी बैठक बस्दैछ । मंगलबार बिहान केन्द्रीय कार्यालय पेरिसडाँडामा बोलाइएको बैठकले सरकारमा माओवादीको नेतृत्व गर्ने नेताको नाम तय हुने भएको हो । शेरबहादुर देउवाको नेतृत्वमा आज सरकार गठन हुँदैछ । देउवाले आजै गठबन्धनका नेता सहभागी गराई सानो आकारको मन्त्रिपरिषद बनाउने तयारी गरेका छन् ।