दोहा, कतार । सरकारले दिएको मानवाधिकारसम्बन्धी हकको हनन् हुने गरी कामदारलाई चर्को गर्मीमा खटाउने ६७ कम्पनीलाई सरकारले कारवाही गरेको छ । चर्को घाममा समेत श्रमिकलाई काम निरन्तर खटाएका कतारका ६७ कम्पनी कारबाहीमा परेका हुन् । कतारको प्रशासनिक विकास तथा सामाजिक मन्त्रालयले स्थलगत अनुगमनपछि उनीहरुमाथि कारवाही गरेको हो ।
श्रमिकको न्यूनतम स्वास्थ्य सुरक्षालाई समेत ध्यानमा नराखी चर्को घाममा काम लगाएको पाइएको त्यहाका संचारमाध्यमले जनाएका छन् । मन्त्रालयले जुलाई १६ देखि अगष्ट १३ तारिखसम्म निरीक्षण गरेको थियो । मन्त्रालयले कारदारको हकहितमा निरन्तर प्रयास गरिरहेको समेत बताएको छ ।
कतारमा जुन १५ देखी अगस्ट ३१ सम्म बिहान साढे ११ बजेदेखि बेलुका ३ बजे सम्म अत्याधिक गर्मी हुने भएकाले श्रमिकहरूलाई घर बाहिरको काममा नलगाउन त्यहाँको मन्त्रिपरिषद्ले कम्पनीहरुलाई निर्देशन दिएको थियो । त्यसविपरित काममा लगाएका कम्पनी कारवाहीमा परेका हुन् ।