काठमाडौं । हेलमेट नलाई बाइक चलाइरहेका पूर्वयुवराज पारस शाहले ड्यूटीमा खटिएका प्रहरीमाथि दुर्व्यवहार गरेपछि उनको व्यापक आलोचना शुरु भएको छ । शुक्रबार राती महाराजगञ्जस्थित नारायणगोपाल चोकमा उनी चेकजाँचमा परेका थिए । ट्राफिक प्रहरीले रोकेपछि आक्रोसिनत बनेका उनले दुर्व्यवहार गरेका थिए । प्रहरीका अनुसार मादक पदार्थ सेवन गरेका उनले हेलमेट समेत नलगाएका कारण प्रहरीले समातेको थियो । प्रहरीले शाहलाई नियन्त्रणमा लिन खोज्दा उनी भिडिरहेको भिडियोमा देखिन्छ ।
घम्साघम्सी र वादविवादमै उत्रिएर उनले प्रहरीको हुर्मत लिन खोजेका छन् । प्रहरीले उनलाई गाडीमा राखेर चौकीमा लैजान खोजेको थियो । उनले भने ‘जान्न, यहीं बस्छु’ भनिरहेका थिए । पारसको समर्थनमा केही युवाले नारा समेत लगाएका थिए । प्रहरीले सम्झाएर पठाएको भनेपनि उनलाई पक्राउ भने गरेन । पोखरामा हेलमेट नलगाई निस्फिक्रि डुल्ने गरेका उनलाई काठमाडौंमा भने प्रहरीले समातेको हो ।