काठमाडौं । राष्ट्रपति विद्यादेवी भण्डारीले आज पवित्र धार्मिकस्थल मुक्तिनाथ दर्शन तथा पूजाआजा गरेकी छिन् । यो सिजनमा मुक्तिनाथका लागि ठूलो संख्यामा भक्तजन जाने गर्छन् । राष्ट्रपतिको भ्रमणले यस भेगको विकासमा अझ टेवा पुग्ने विश्वास लिइएको छ ।
मुस्ताङमा पर्ने पवित्र तीर्थस्थल मुक्तिनाथ मन्दीरमा पूजा अर्चना र दर्शन गर्न राष्ट्रपति शनिबार मुस्ताङको सदरमुकाम जोमसोम हुँदै मुक्तिनाथ पुगेकी हुन् । नेपाली सेनाको हेलिकोप्टरमा उनी जोमसोम झरेकी थिइन । पछिल्लो समय राष्ट्रपतिले धार्मिक तथा पर्यटकीय भ्रमणमा समय छुट्याउन थालेकी छिन् । यसलाई भने सकारात्मक रुपमा लिइएको छ ।