सिन्धुपाल्चोक । प्रधानमन्त्री केपी शर्मा ओलीले मेलम्चीमा बाढी र पहिरोबाट भएको प्रलयकारी विनासको एक महिनापछि स्थलगत अनुगमन गरेका छन् । शनिवार दिउँसो बाढी प्रभावित सिन्धुपाल्चोक जिल्लाको मेलम्ची र हेलम्बुको अवलोकनमा पुगेका प्रधानमन्त्रीले सो वस्ती अब दीघर्कालिन रुपमा बस्न उपयुक्त नहुने बताए । अवलोकनपछि स्थानीय जनप्रतिनिधिलाई सम्बोधन गरेका उनले विपदबाट जनधनको दीर्घकालीन सुरक्षा गर्न सुरक्षित ठाउँमा एकीकृत बस्ती निर्माण गरिनुपर्ने बताए ।
बगरमा रूपमा परिणत भएको स्थानमा बागबानी, बगैँचा, खेती, मत्स्यपालन गरि त्यसलाई उपयोग गर्न समेत उनले सुझाव दिए । प्रधानमन्त्रीले तीन सय ६६ घरका लागि १५ बन्डल जस्तापाता वितरण गरिने बताए । यो जस्तापाताले तत्काल अस्थायी बसोवासमा सहयोग गर्ने छ । सार्थ उनले प्रतिपरिवार ५० हजार रुपैयाँ तत्काल दिइने समेत जानकारी दिए ।
