मेलम्ची बाढी प्रभावितलाई आजबाट खोप दिइने

सिन्धुपाल्चोक । मेलम्ची बाढी प्रभावित क्षेत्रमा आजबाट खोप अभियान शुरु हुँदैछ । १८ वर्षमाथिका २० हजार नागरिकले कोरोना विरुद्धको खोप पाउने भएका हुन् । आजदेखि सर्वसाधारणले लगाउन मिल्ने गरी खोप केन्द्रमा खोप पठाइसकिएको बताइएको छ । सिन्धुपाल्चोकका बाढी प्रभावित पाँचपाखरी थाङपाल गाउँपालिकाका लागि आठ हजार, मेलम्ची नगरपालिकाका लागि सात हजार र हेलम्बु गाउँपालिकाका लागि पाँच हजार मात्रा दुई हजार व्यक्तिले खोप पाउने छन् । बाढी प्रभावितलाई दुई मात्रा लगाउनुपर्ने एस्ट्रोजेनिका सुई लगाउन लागिएको छ । अघिल्लो महिना आएको बाढीले यो क्षेत्र नराम्रोसँग प्रभावित बनेको छ ।