बार्सिलोना । लुइज सुवारजले उत्कृष्ट प्रदर्शन गरेको खेलमा बार्सिलोनाले स्पानिस ला लिगाअन्तर्गत अलाभेजलाई ४–१ ले हराएको छ ।
सुवारेजले पेनाल्टीबाट एक गोल गरे भने तीन गोलका लागि अवसर सिर्जना गरेका थिए । मेसीको नाममा एक गोल रह्यो ।
उनले तीन जना डिफेन्डरको बीचमा २६ यार्ड परबाट प्रहार गरेको बलले पोष्ट चुमेको हो ।
यससँगै उनले सन् २०१९ मा कूल ५० गोल र्न सफल भए । सुआरेज र मेसीबाहेक एन्टोनी ग्रिजमन, अर्टुरो भिडालले समेत गोल गरेका थिए ।
अलाभेजका पेरे पोन्सले एक गोल गरे पनि त्यो हार टार्न पर्याप्त थिएन ।
एल क्लासिकोमा रियल मड्रिडसँग गोलरहित बराबरी गरेको बार्सिलोनाले यो जितपछि भने लालिगामा पुनः शीर्ष स्थानमा उक्लिएको छ ।
१८ खेलबाट बार्सिलोनाको ३८ अंक भएको छ भने एक खेल कम खेलेको रियल ३५ अंकसहित दोस्रो स्थानमा रहेको छ ।
रियलले आइतबार खुल्दैछ । शनिबार नै भएको खेलमा सेभियाले मालोर्कालाई २–० ले पराजित गर्दै तेस्रो स्थानमा उक्लिएको छ ।
उसको १८ खेलबाट ३४ अंक पुगेको छ ।