काठमाडौं । मोरक्कोमा बाढी र पहिराले ठूलो मानवीय क्षति भएको छ । स्थानीय संचारमाध्यमहरुका अनुसार त्यहाँ कम्तिमा २४ जनाको मृत्यु भएको खबर छ । देशको उत्तरी भेगमा पर्ने तान्गीर भन्ने स्थानमा सोमबार अविरल वर्षापछि बाढी आएको थियो ।
घटनास्थलबाट उद्धारकर्मीले १० जनाको सकुसल उद्धार गरेका छन् । उनीहरुलाई स्थानीय अस्पतालमा भर्ना गरिएको छ । अहिले त्यहाँ उद्धार र राहतको काम जारी रहेको छ । बाढीमा अझै केही मानिसहरु हराइरहेको बताइएको छ । यद्दपी यसको पुष्टी भने नभएको संचारमाध्यमले जनाएका छन् ।
बाढी पसेको स्थानमा एक टेक्सटाइल उद्योग रहेको बताइएको छ । त्यो उद्योग समेत गैरकानूनी रुपमा संचालनमा थियो । सोहीकारण उद्योगमा कति कामदार थिए भन्ने खुलेको छैन । एजेन्सी