मौसम प्रतिकुल बन्दै, केही स्थानमा वर्षा हुने

काठमाडौं । पश्चिमी वायुको प्रभावका कारण शनिबार बिहानबाटै मौसम प्रतिकुल बनेको छ । देशका पहाडी भू-भागहरूमा आंशिकदेखि सामान्यरुपमा बदली भएको मौसम पूर्वानुमान महाशाखाको भनाई छ । महाशाखाका अनुसार आज प्रदेश १, बागमती प्रदेश तथा गण्डकी प्रदेशका पहाडी तथा हिमाली भू भागहरुको एक, दुई स्थानमा हल्का वर्षा र हिमपात हुने भएको छ ।

सामान्य वर्षा र हिमपातको सम्भावना सोमबारसम्म नै जारी रहने छ । काठमाडौं उपत्यकामा शुक्रबार साँझ नै वर्षा भएको छ । अन्य प्रदेशको मौसम सफा रहने महाशाखाको भनाई छ ।