काठमाडौं । मंसिर ४ मा तोकिएको प्रतिनिधि सभा र प्रदेश सभा चुनावमा खटिने म्यादी प्रहरीका लागि छनोट प्रक्रिया थालिएको छ । चुनावमा १ लाख १५ हजार म्यादी प्रहरी खटाउने तयारी छ । १ लाख १५ हजार म्यादीका लागि २ लाख ३२ हजार ८८ जनाले आवेदन दिएका छन् । १४ असोजसम्म म्यादी प्रहरीको छनोट गरेर २५ गते नतिजा प्रकाशन गर्ने गरी कार्यतालिका छ ।
छनोट भएका म्यादी प्रहरीलाई असोज २७ र २८ गते नियुक्तिपत्र दिइने छ । असोज ३० गतेदेखि कात्तिक ८ गतेसम्म उनीहरुले तालिम हुनेछ । नेपाल प्रहरीको नेतृत्वमा म्यादी प्रहरी सुरक्षा ड्युटीमा खटिनेछन्। उनीहरूलाई चुनाव सकिएको ४ दिनपछि मंसिर ८ गते प्रमाणपत्र दिएर बिदाइ गरिन्छ ।