काठमाडौं । म्यानमारमा आम निर्वाचनबाट हालै निर्वाचित सरकारलाई हत्याएर सेनाले सत्ता आफ्नो हातमा लिएको छ । यस घटनाबारे अमेरिकी राष्ट्रपति जो बाइडनको प्रतिक्रिया सार्वजनिक भएको छ । बाइडेनले म्यानमारको सेनाविरुद्ध कदम चाल्ने चेतावनी दिएका छन् । उनले म्यानमारमा हस्तक्षेपको संकेत समेत गरेका छन् ।
अन्तराष्ट्रिय संचारमाध्यमहरुका अनुसार म्यानमारको सेनाले सोमबार शासन सत्ता हातमा लिई नेतृ आङ सान सुकी, राष्ट्रपति विनमिन्टसहितका नेतालाई हिरासतमा राखेको छ । मुलुकमा एक वर्ष संकटकाल घोषणा भएको छ । रातमा मूख्य शहरमा कफ्र्यू घोषणा गरिएको छ ।
म्यानमारी सेनाको यो कदमको विश्वभरका नेताले आलोचना गरिरहेका बेला बाइडनको कडा आलोचना सार्वजनिक भएको हो । उनले म्यानमारको सत्ता तत्काल फिर्ता गर्न सेनालाई आग्रह गरेका छन् । त्यसो नभए ‘उचित कदम’ चालिने उनको चेतानी छ । म्यानमारमा भएको कुको नेपालबाट पनि विभिन्न दलले चर्को विरोध गरेका छन् ।