काठमाडौं । यमनमा साउदी अरवले गरेको आक्रमणमा कम्तिमा ७० जना मारिएका छन् । यमनको डिटेक्सन सेन्टरमा साउदी नेतृत्वको सेनाले हवाई आक्रमण गरेको हो । यस घटनामा कम्तिमा ७० जनाको मृत्युको पुष्टी संयुक्त राष्ट्र संघले गरेको छ । राष्ट्र संघले घटनाको निन्दा समेत गरेको छ । शुक्रबार हमला भएको थियो । यो हुती विद्रोहीको गढ मानिन्छ ।
मृत्यु हुनेको संख्या अझ बढ्न सक्ने बताइएको छ । राष्ट्र संघका महासचिव एन्टिनो गुटरेजले यस प्रकारका हमला पूर्ण रुपमा रोकिनु पर्ने बताएका छन् । उनले हमलाको जाँच हुने समेत बताएका छन् । साउदी सेनाले हुती विद्रोही विरुद्ध सन् २०१५ यता लडिरहेका छन् । अहिलेसम्म बालबालिकासहित १० हजार भन्दा बढी मानिसको ज्यान गइसकेको छ ।