दीपा राई पुन
बोष्टन
प्रेम गर्नु पनि
हल्ला गर्नु पर्छ र ?
तिमीलाई प्रेम गरेको अनुभूतिमा
चुपचाप आफैलाई प्रेम गरूँ
हरदम ख़्याल राखुँ
हरक्षण जीवनको उत्सव मनाउॅ
मलाई देख्नेहरूले
खुसीको ज्योति देखुन मुहारमा
ब्यवहारमा सकारात्मक भेटुन
र भरून आफूलाई उर्जा
म तिम्रो प्रेममा पुलकित भएर
अझ बिशाल मनले फैलिरहूँ
प्रेमै प्रेम बॅाटिरहूँ
तिमीलाई कहिल्यै थाहै नहोस
म भित्र भित्रै प्रेम गर्छु
भित्र भित्रै मन पराउँछु
मलाई माफ गर प्रिय
तिमीलाई देख्दा
तिमीलाई भेट्दा
नचिनेको जस्तो गर्नेछु
तिम्रो आवाजलाई
मनमा गुनेर मौन हुनेछु
तिमीले आफैलाई लेखेको
प्रेमिल अक्षर शब्द र वाक्य
मेरो लागि प्रेमोपहार जस्तै
जतनले राख्नेछु मनको कन्तुरमा
जीवन यात्रामा तिमी मबाट
सधै बेवास्ता हुनेछौ
भाइवर वाट्सअप र मेसेन्जरमा
मनमा भने मलाई लागिरहोस
तिमी मलाई औधि प्रेम गर्छौ
भन्न सकिरहेको छैनौ
कहिले भन्ने हिम्मत तिमीमा नजुटोस
हाम्रो प्रेम , प्रेम जस्तै होस
भाव र अनुभूतिले
मन मस्तिष्क र ॲाखामा
प्रेमले निथ्रुक्क हौं
कर्म गर्न उत्साह मिलोस
जीवन जीउने कलामा निपुर्ण
तिम्रो प्रेम मेरो स्वासमा भरियोस
तिमीलाई पनि मनमा आभास होस
म तिमीलाई औधि प्रेम गर्छु
सॅाचो प्रेमले सिंचित भएरै
हरियो मुस्कान छ हामीमा
प्रेम दिवसको दिनमा
हाम्रो प्रेम अझ प्रगाढ़ बनोस
तिमी मलाई प्रेम भावले बुझ
आफैमा सम्पूर्णता भेट्टाउ
म तिमीलाई प्रेम गर्छु
तिमीलाई प्रेम गर्न कै लागि
आफैलाई प्रेम गरेर बाँचिरहने छु
प्रतिक्षण मुटुको अन्तस्करणमा
प्रेमको दियो बलिरहोस
आफै आफ्नो प्रेमी बनेर
साँच्चै प्रिय
सुनसान तपोभूमी जस्तों ढुकढुकीमा
तिम्रै यादको जुलूस आइरहन्छ
प्रेम त प्रेम हो भनेर धर्ना बस्छ
प्रेमको जुलूसमा तिमी भनिरहेछौ
प्रेम गर्न पनि
हल्ला गर्न पर्छ र !?