काठमाडौं । प्रतिनिधिसभामा दर्ता भएको शिक्षा सम्बन्धी विधयेकलाई लिएर असन्तुष्ट शिक्षकहरुकाे आन्दाेलनाे आज तेस्राे दिन हाे । तर,आन्दाेलनमा आएका शिक्षकहरु तेस्राे दिनमै सुस्ताएका छन् ।
नेतृत्व वार्ताको तयारीमा जुटेपछि शिक्षासम्बन्धी विधेयकमा असहमति जनाउँदै आन्दोलनरत शिक्षकहरू काठमाडौंको माइतीघरमा केन्द्रित भएका छन् ।
नेतृत्व वार्तामा जुटेपछि बानेश्वर-माइतीघर सडकमा सवारी आवागमन ठप्प पारेर उनीहरुले नाचगानसहित प्रदर्शन गरेका छन् । आन्दोलनका कारण आज पनि काठमाडौँको ट्राफिक व्यवस्था अस्तव्यस्त भएको छ।
सरकारले आजै शिक्षकको आन्दोलन टुंगिने गरी वार्ता गर्ने तयारी गरेको छ । तर विहान सरकारका प्रतिनिधिसँग भएको वार्ता विफल भएपछि आजैं वेलुकीको लागि वार्ता गर्ने कार्यक्रम तय भएको छ ।