काठमाडौं । काठमाडौंको राष्ट्रिय सभागृहमा वाग्मती प्रदेश कांग्रेसले आयोजना गरेको कार्यक्रममा नेपाली कांग्रेसकी नेतृ डा. आरजु राणा देउवाले नेपाली युवा खाडी जाँदा चामल उत्पादन घटेको बताएकी छिन्।
आफू कृषि, सहकारी तथा प्राकृतिक स्रोत समितिको सभापति भएपछि कृषिबारे धेरै विषय थाह पाएको बताउँदै उनले भनिन् ‘बंगलादेश जाँदा लाज पनि लाग्यो। हाम्रो भन्दा ६ गुणा जनसंख्या। तै पनि चामल यति धेरै उत्पादन गरेको छ। हामीमा चाहिँ जनतालाई खान दिन सकेको छैन। हाम्रो खेतहरु बाँझो छ। हाम्रो युवाहरु खाडीमा उँट चराउन गइरहेका छन्।