काठमाडौं । सर्वोच्च अदलातले विदेश जान अनुमति दिएपछि स्पीनर सन्दीप लामिछाने टिममा फर्किएका छन् । उनी बुधबारै यूएई गइसकेका छन् । उनी आजको खेलमा मैदानमा उत्रने भएका छन् । पहिलो पटक राष्ट्रिय टिममा स्थान बनाएका श्याम ढकालको घाइते भएकोले उनको स्थानमा सन्दीपलाई राखिएको बताइएको छ । अब नेपालले आज स्पीन बलिङमा जोड दिनेछ । अघिल्लो साता घरेलु मैदानमा भएको शृखंलामा सन्दीपले चार खेलमा १३ विकेट लिइसकेका छन् ।
उनी उच्च लयमा छन् । पहिलो खेलमा पपुवा न्यु गिनीसँगको लय कायम राख्दै यूएईविरुद्ध २ अंक जोड्ने लक्ष्यमा नेपाल रहेको छ । आईसीसी क्रिकेट विश्वकप लिग टु अन्तर्गत शृङ्खलामा आज नेपालले घरेलु टोली यूएईको सामना गर्न लागेको हो । खेल दुबई इन्टरनेशनल क्रिकेट स्टेडियममा नेपाली समयअनुसार बिहान ११ः४५ मा सुरु हुनेछ।