काठमाडौं । आईसीसी क्रिकेट विश्वकप लिग टू अन्तर्गत जारी शृंखलाको आफ्नो दोस्रो खेलमा नेपालले यूएईबाट जितका लागि २०८ रनको लक्ष्य पाएको छ ।
५० ओभर नै खेलेको युएईले ८ विकेट गुमाएर २०७ रन बनाएको हो। यूएईका लागि ओपनिङ गरेका आसिफ खानले सर्वाधिक ७२ रन बनाए ।
रोहन मुस्ताफाले अविजित ५२ रन बनाए । नेपालका लागि सन्दिप लामिछानेले सवैभन्दा बढी तीन विकेट लिए। दश ओभर नै बलिङ गरेका उनले जम्मा २७ रन दिएर तीन विकेट लिएका हुन्।
यसैगरी करण केसीले दुई विकेट, आसिफ शेख र कुशल मल्लले समान एक-एक विकेट लिए।