काठमाडौं । नेपालमा साढे दुई वर्ष पुरानो राजसंस्थाको विरासत अन्त्य गराउने सुत्रधार सावित भएको रहस्यमय नारायणहिटी दरबार हत्याकाण्ड भएको २० वर्ष पुगेको छ । २०५८ जेठ १९ मा राजदरवारभित्रै तत्कालीन राजा वीरेन्द्र शाहको वंश नाश गरिएको थियो । यसको आरोप तत्कालिन युवराज दीपेन्द्र शाहमाथि लगाइए पनि जनता भने यो स्वीकार गर्न तयार छैनन् । यो घटना अहिले पनि रहस्यमय छ।
दरवार भित्र घटनाको सबै प्रमाण मेट्ने काम भएको छ । शुक्रबारको दिन साप्ताहिक पारिवारिक जमघटमा तत्कालीन राजा वीरेन्द्र, रानी ऐश्वर्य, युवराज दीपेन्द्र, राजकुमार निराजन, राजकुमारी श्रुति, राजकुमार धिरेन्द्र, राजकुमारी जयन्ती, राजकुमारी शान्ती, राजकुमारी शारदा, कुमार खड्का र अन्य राजपरिवारका सदस्यको गोली हानी हत्या गरिएको थियो ।
नेपाली सेनाको सबैभन्दा कडा सुरक्षा पहरा भित्र भएको यो हत्याकाण्डले त्यसबेला संसार नै स्तभ्द बनेको थियो । छानबिन समितिले जेठ १९ को घटनामा तत्कालीन युवराज दीपेन्द्रले परिवारका सदस्यहरूलाई गोलीले उडाएको र पछि आफैँलाई गोली हानेको प्रतिवेदन बनाएको थियो ।
यो हत्याकाण्डपछि जनतामा राजसंस्थापछि चरम निरासा उत्पन्न भयो । अर्कोतर्फ चर्किएको माओवादी द्धन्द्धको रापमा मुलुकमा गणतन्त्र ल्याउने आधार बन्यो । अहिले पूर्वराजा ज्ञानेन्द्र आम नागरिक बनेर जीवन बिताइरहेका छन् ।