काठमाडौं । नेपाली कांग्रेसका वरिष्ठ नेता रामचन्द्र पौडेल कांग्रेसको १४ औं महाधिवेशन अन्तर्गत नयाँ नेतृत्वका लागि हुने मतदानमा नजाने भएका छन् । उनले जारी १४औं महाधिवेशनमा सभापतिका प्रतिस्पर्र्धी शेर बहादुर देउवा विरुद्ध विपक्षीको साझा उमेदवार उठाउन चाहेका थिए ।
तर, नेताहरुको अडानका कारण त्यो सम्भव नभएपछि निरास बनेका उनले मतदान प्रक्रिया नै बहिष्कार गर्ने भएका हुन् । पौडेलका स्वकीय सचिव चिरञ्जिवी अधिकारीलाई उदृत गर्दै स्थानीय संचारमाध्यमले जनाए अनुसार उनले मतदानमा भाग नलिने जानकारी गराएका छन् । पौडेलले केन्द्रीय सदस्य पदमा समेत उम्मेदवारी दिएका छैनन् । कांग्रेसको नयाँ नेतृत्वका लागि आज मतदान हुने छ ।