राष्ट्रपतिबाट २८ मंसिरमा संसद बैठक आह्वान

काठमाडौं । राष्ट्रपति विद्यादेवी भण्डारीले संसद् बैठक आह्वान गरेकी छिन् । राष्ट्रपति भण्डारीले २८ मङ्सिरमा संसद् बैठक आह्वान गरेको राष्ट्रपति कार्यालयले जनाएको छ । बिहीवार बसेको मन्त्रिपरिषद्को सिफारिसमा राष्ट्रपतिबाट संसद बैठक आह्वान भएको हो । यो दिन प्रतिनिधि सभा र राष्ट्रिय सभाको बैठक बस्ने भएको छ । बजेट अधिवेशन सँगै संसद बैठक अन्त्य भएको थियो । अब संसदको हिँउदे अधिवेशन आह्वान भएको हो ।